யாழில் மீட்கப்படும் வெடிகுண்டுகள் இராணுவத்தினுடையது !! மக்கள் கருத்து

தமிழீழ விடுதலைப் புலிகளின் காலத்திற்குப்பின்னர் வடக்கில் வெடிகுண்டுகள் வருதற்கான சாத்தியப்பாடுகள் இல்லை எனவும் இது இராணுவத்தின் சதி எனவும் இம் மக்கள் சுட்டிக்காட்டுகின்றனர் .

 கடந்த சில நாட்களாக குடாநாட்டில் மீட்கப்படும் துப்பாக்கி ரவைகள் மற்றும் குண்டுகள்

தொடர்பில் அச்சம் வெளியிட்டுள்ள மக்கள் , இத்தகைய சம்பவங்கள் குடாநாட்டு இளைஞர்களை , முன்னாள் போராளிகளையும் மீண்டும் கைது செய்யும் நோக்குடன் இராணுவத்தின் ஏற்பாட்டில் இடம்பெறுவதாகவுவதம் தெரிவிக்கின்றனர் .

 

கடந்த சில  நாட்களாக குடாநாட்டில் மக்கள் நடமாட்டம் அதிகளவில் காணப்படுகின்ற இடங்களில் வெடிக்காத வெடிகுண்டுகளும் துப்பாக்கி ரவைகளும் மீட்கப்பட்டு வருவவதுடன் இப்பிரதேசங்களில் இராணுவம் தேடுதல்களையும் நடத்திவருகின்றது .

 

இதனால் மக்களின் இயல்பு வாழ்வு பாதிப்படைந்துள்ளதுடன் மக்களும் அச்சமடைந்துள்ளனர் . குறிப்பாக இன்றும் மருதனார்மடம் பகுதியில் குண்டுகள் கண்டெடுக்கப்பட்டுள்ளன . இதேபோல் கடந்தவாரம் இப்பகுதியிலும் சுன்னாகத்திலும் பல்கலைக்கழகச் சூழலிலும் வெடிகுண்டுகள் மீட்கப்பட்டுள்ளதாக தகவல்கள் வெளியாகழயுள்ளன .

 

இதனால் இங்குள்ள மக்கள் மீண்டுமொரு யுத்தகால அபாயச் சூழல் உருவாக்கப்படுவதாக தெரிவிப்பதுடன் அச்சமடைந்துள்ளனர் .

தற்பொழுது மீட்கப்படும் குண்டுகள் தமிழீழ விடுதலைப் புலிகளின் காலத்திற்குரியவை அல்ல எனத்தொரிவிக்கின்ற இம்மக்கள் , இது மீண்டும் குடாநாட்டில் இளைஞர்களையும் முன்னாள் போராளிகளையும் கைதுசெய்யும் நோக்குடன் இராணுவத்தின் ஏற்பாட்டில் இடம்பெறுவதாகவும் தெரிவிக்கின்றனர் .

 

அரசாங்கம் தமக்கு சர்வதேச ரீதியாக அழுத்தங்கள் ஏற்படுகின்ற பொழுது இதுபோன்ற யுக்திகளைக் கையாண்டு தமிழ் மககள் மத்தியில் பயங்கரவாதச் செயற்பாடுகள் தற்பொழுதும் இடம்பெற்று வருவதாகக் காண்பிக்க முற்படுவதாகவும் தமிழ் மக்களில் ஒருசாரார் கூறுகின்றனர் .