கடந்த காலத்தில் இடம் பெற்ற ஊள்ளுராட்சி சபைகளுக்கான தேர்தலின்போது அரசின் உதவி இன்றி வடக்கு அபிவிருத்தி செய்ய முடியும் என தமிழ் தேசியக் கூட்டமைப்பு மக்களிடத்தே பிரச்சாரம் செய்து அமோக வெற்றி ஈட்டினார்கள் .
ஆனால் அவர்களினால் அரசினால் வழங்கப்பட்ட பணத்தில் இருந்து செய்ய
வேண்டிய வேலைகளைக்கூட அவர்களால் செய்யமுடியாத நிலையே காணப்படுகின்றார்கள் .
இந்நிலையில் வடக்கில் மாகாண சபையைக் கைப்பற்றி இவர்களால் எதனைச் சாதிக்க
முடியும் எனத் தெரிவித்த பொருளாதார அபிவிருத்தி அமைச்சர் பசில் ராஜபக்ஜா ,
வடக்கில் வாக்குரிமையில் இல்லாத விக்கினேஸ்வரனை முதலமைச்சராக்கி என்னத்தைச்
சாதிக்கப் போகின்றீர்கள் எனவும் கேள்வி எழுப்பினார் .
யாழ்ப்பாணத்திற்கு விஜயம் மேற்கொண்டுள்ள பொருளாதார அபிவிருத்தி
அமைச்சர் இன்று காலை 9.30 மணியளவில் யாழ்ப்பாணம் கிறீன் கிறாஸ் விடுதியில்
ஊடகவிலாளர்கள் மாநாட்டை நடத்தினார் .
இம்மாநாட்டில் , கடந்த இரண்டு வருடங்களுக்கு முன்னர் நான் 500
மில்லியன் ரூபா செலவில் சாவகச்சேரி நகர சபைக்கான கட்டிடத் தொகுதியை
ஆரம்பித்து வைத்தேன் .
குறிப்பிட்ட கட்டிடப் பணிகள் முடிவடைந்துள்ள போதிலும் அதனை திறந்து வைக்கக் கூடிய நிலையில் சாவகச்சேரி பிரதேச சபை காணப்படவில்லை .
இதே போன்று சாவகச்சேரியில் உள்ள மின்சந்தையொன்றும் மிகவும் மோசமான நிலையில் காணப்பட்டது .நான் அதனைப் பார்வையிட்ட பின்னர் அதனைத் திருத்தும் வகையில் நிதியை
வழங்கினேன் . அதுவும் கூட இன்று வரைக்கும் திருத்தப்படாத நிலையிலேயே
காணப்படுகின்றது .
இத்தகைய நிலையில் முரன்பாடுகளுடன் காணப்படுகின்ற தமிழ் தேசிய
கூட்டமைப்பால் மாகாண சபை மட்டத்தில் எதனையும் சாதிக்க முடியாது என்பதே
உண்மையாகும் .கடந்த பல வருடங்களாக யுத்ததினால் பாதிக்கப்பட்ட வடக்கு - கிழக்கு
தமிழ் மக்கள் இந் நாட்டில் வாழும் ஏனைய மக்களைப் போன்று இன்று அனைத்து
சுதந்திரத்தையும் அனுபவித்து வருகின்றார்கள் .
கடந்த காலத்தை நினைவு படுத்திப்பார்க்க வேண்டியது அவசியமாகும் .இவைகளை கருத்தில்கொண்டு நடக்கப் போகும் வட மாகாண சபைத் தேர்தலில்
தகுதியான பிரதிநிதிகளைத் தெரிவுசெய்ய வேண்டியது தமிழ் மக்களுடைய கடமையும்
பொறுப்பும் ஆகும் எனவும் குறிப்பிட்டார்
.
கருத்துகள் இல்லை:
கருத்துரையிடுக