பிரதமர் பங்கேற்காமை குறித்து இந்தியாவே கவலைப்பட வேண்டும். தனது வேலையை தமிழ்நாடு பார்க்கவேண்டும். பஷில்.

இலங்கையில் நடைபெறும் பொதுநலவாய மாநாட்டுக்கு இந்திய பிரதமர் கட்டாயம் வந்திருக்கவேண்டும் .ஆனால் , இந்திய பிரதமர் கலந்துகொள்ளாமை தொடர்பில் எம்மைவிட இந்தியாவே கவலையடைய வேண்டும் . இலங்கை கவலையடைய வேண்டியதில்லை . என்று பொருளாதார அபிவிருத்தி அமைச்சர் பஷில் ராஜபக் ஷ தெரிவித்தார் .

தமிழ்நாடு தமது மக்களை பார்த்துக்கொள்ளவேண்டும் . மாறாக எமது நாட்டு விடயங்களில் தலையிடுவதை விடுத்து தமது விடயங்களையே தமிழ்நாடு பார்க்கவேண்டும் என்றும் அவர் கூறினார் .

 அமைச்சர் அங்கு மேலும் கூறியதாவது

பொதுநலவாய மாநாட்டின் செய்தி சேகரிப்பு பணிகளுக்காக அமைக்கப்பட்டுள்ள பண்டாரநாயக்க மாநாட்டு மண்டபத்தின் ஊடக பிரிவுக்கு நேற்று வருகை தந்த அமைச்சர் பஷில் ராஜபக் ஷ ஊடகவியலாளர்கள் எழுப்பிய கேள்விகளுக்கு பதில் அளிக்கையிலேயே மேற்கண்டவாறு குறிப்பிட்டார் .

 

இந்த மாநாடு இங்கு நடைபெறுவது குறித்து இலங்கை பெருமையடைகின்றது . இந்த மாநாட்டின் காரணமாக உலகின் கவனம் இங்கு திரும்பியுள்ளது . 30 வருட பயங்கரவாதத்துக்கு முகம் கொடுத்த நாடு என்ற வகையிலும் பொருளாதார பிரச்சினைகளை சந்தித்த நாடு என்ற வகையிலும் எமது நாடு தற்போது முன்னேறிவருகின்றது . சர்வதேச துறைமுகம் , விமான நிலையம் அதிவேக வீதி என்பன அமைக்கப்பட்டுள்ளன .